wd wp Пошук: ⬜

ФК Сцяўа Бухарэст

«Сцяўа» (рум.: Steaua) — румынскі футбольны клуб з горада Бухарэст. Заснаваны ў 1947 годзе. Клуб з’яўляецца найбольш паспяховым сярод румынскіх клубаў не толькі ў айчынным першынстве, маючы на сваім рахунку 26 перамог, але і на еўрапейскіх спаборніцтвах. «Сцяўа» стала першай усходнееўрапейскай камандай, якая здолела перамагчы ў Кубку еўрапейскіх чэмпіёнаў, зрабіўшы гэта ў 1986 годзе. У сезоне 1988/1989 «Сцяўа» зноў дайшла да фіналу прэстыжнага еўрапейскага клуба, але атрымала паражэнне ад італьянскага «Мілана». На рахунку клуба таксама маюцца 22 перамогі ў Кубку Румыніі і 6 перамог у Суперкубку Румыніі.

Заснаваны 7 чэрвеня 1947 году як САА Бухарэст (Спартыўная Асацыяцыя Арміі — рум.: Asociaţia Sportivă a Armatei). З 1961-га за клубам замацавалася назва Сцяўа (рум.: Steaua). Аднак яшчэ ў 1998 годзе клуб аддзяліўся ад войска, стаўшы незалежным. На дадзены момант адзінай прамой спасылкай на войска з’яўляецца стадыён «Нацыянальны», які знаходзіцца ва ўласнасці Міністэрства нацыянальнай абароны.

«Сцяўа» ўсю сваю гісторыю праводзіць у наймацнейшым дывізіёне чэмпіянату Румыніі, толькі пяць разоў скончыўшы сезон на месцы ніжэйшым за шостае. Першапачаткова клуб гуляў у колерах румынскага трыкалору, гэта значыць сінім, жоўтым і чырвоным, але неўзабаве жоўты страціў сваё значэнне, і каманда стала асацыявацца з чырвоным і сінім колерам. Аднак у апошнія часы на новай форме клуба пачаў зноў выкарыстоўвацца жоўты колер.

Клуб мае даўняе суперніцтва з бухарэсцкім «Дынама», матчы паміж якімі звычайна называюць «Адвечным дэрбі» або «Румынскім дэрбі».

Дасягненні

Нацыянальныя

• Чэмпіянат Румыніі:

  • Пераможца (26): 1951, 1952, 1953, 1956, 1960, 1961, 1968, 1976, 1978, 1985, 1986, 1987, 1988, 1989, 1993, 1994, 1995, 1996, 1997, 1998, 2001, 2005, 2006, 2013, 2014, 2015

• Кубак Румыніі:

  • Уладальнік (23): 1949, 1950, 1951, 1952, 1955, 1962, 1966, 1967, 1969, 1970, 1971, 1976, 1979, 1985, 1987, 1989, 1992, 1996, 1997, 1999, 2011, 2015, 2020

• Кубак лігі Румыніі:

  • Уладальнік (2): 2015, 2016

• Суперкубак Румыніі:

  • Уладальнік (6): 1994, 1995, 1998, 2001, 2006, 2013

Еўракубкі

• Кубак чэмпіёнаў/Ліга чэмпіёнаў:

  • Уладальнік (1): 1986

• Суперкубак УЕФА:

  • Уладальнік (1): 1986

Спасылкі

• На Вікісховішчы ёсць медыяфайлы па тэме ФК Сцяўа Бухарэст
• Афіцыйны сайт Архівавана 26 жніўня 2004. (рум.)  (англ.)
• Сайт заўзятараў
• Англамоўны сайт заўзятараў

Папярэднік: Ювентус

Кубак еўрапейскіх чэмпіёнаў 1985/1986 Фіналіст: Барселона

Пераемнік: Порту

Тэмы гэтай старонкі (6):
Катэгорыя·ФК Сцяўа Бухарэст
Катэгорыя·Футбольныя клубы Румыніі
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Вікіпедыя·Артыкулы са спасылкамі на элементы Вікідадзеных без беларускага подпісу
Катэгорыя·Футбольныя клубы паводле алфавіта
Катэгорыя·Футбольныя клубы, заснаваныя ў 1947 годзе