«Мальмё» (шведск.: Malmö Fotbollförening) — шведскі футбольны клуб з горада Мальмё. Заснаваны 24 лютага 1910 года. Разам з «Гётэбаргам» і АІКам уваходзіць у так званую класічную «вялікую тройку» шведскага клубнага футбола. Найвышэйшым дасягненнем клуба на міжнароднай арэне з’яўляецца выхад у 1979 годзе ў фінал Кубка еўрапейскіх чэмпіёнаў, дзе «Мальмё» пацярпеў паражэнне ад «Нотынгем Форэст» з лікам 0:1.