У Вікіпедыі ёсць артыкулы пра іншых людзей з імем Гукер.
Уільям Джэксан Гукер (6 ліпеня 1785, Норыдж — 12 жніўня 1865, Лондан) — англійскі батанік. Бацька Дж. Д. Гукера. Прафесар універсітэта ў Глазга (з 1820). Дырэктар Батанічнага саду ў К’ю (1841-65), які ператварыў у найбуйнейшы цэнтр вывучэння сусветнай флоры. Адзін з найслынных сістэматыкаў свайго часу, апублікаваў шматлікія працы па флоры Англіі, Амерыкі, Афрыкі, па папарацепадобным. Заснаваў шэраг часопісаў і серый, у тым ліку “Icones plantarum” (1836), які выдаецца дагэтуль.