Уцуномія — цэнтральны горад і адміністрацыйны цэнтр прэфектуры Татыгі. Размешчаны ў цэнтральнай частцы вострава Хонсю, на адным з прытокаў ракі Тонэ. Плошча горада — 416,84 км², насельніцтва — 512 186 чалавек (1 ліпеня 2014 года), шчыльнасць насельніцтва — 1228,74 чал./км².
Знаходзіцца прыблізна за 100 кіламетраў на поўнач ад Токіа і за 35 кіламетраў на ўсход ад Ніко. Уздоўж горада праходзіць высакахуткасная чыгунка «Сінкансэн», якая можа даставіць пасажыраў да сталіцы за 1 гадзіну. Таксама ў 3 гадзінах язды ад Уцуноміі размешчаны міжнародны аэрапорт Нарыта.
Працуюць прадпрыемствы машынабудавання, металаапрацоўкі, каляровай металургіі, электратэхнічнай, дрэваапрацоўчай і цэлюлозна-папяровай галін прамысловасці. Размешчаны заводы такіх прадпрыемстваў, як Canon, Japan Tobacco, Honda.