Усна́рка[1] (польск.: Usnarka) — рака ў Сакульскім павеце Падляскага ваяводства Польшчы і Бераставіцкім раёне Гродзенскай вобласці Беларусі, левы прыток Свіслачы (басейн Нёмана).
Даўжыня ракі 12 км. Плошча вадазбору 86 км². Сярэдні нахіл воднай паверхні 3,4 м/км.
Пачынаецца ў Польшчы, каля вёскі Грыбаўшчызна. Перасякае дзяржаўную граніцу за 1,4 км на паўночны захад ад вёскі Русакі, цячэ па паўднёвых схілах Гродзенскага ўзвышша (даўжыня ў межах Беларусі — 7 км). Упадае ў Свіслач за 1,6 км на паўночны ўсход ад вёскі Ігнатавічы Бераставіцкага раёна. Пойма ў нізоўі забалочаная.