Універсітэт штата Луізіяна (англ.: Louisiana State University) — дзяржаўны ўніверсітэт у г. Батан-Руж, штат Луізіяна, ЗША.[5] Галоўная ВНУ сістэмы ўніверсітэтаў штата Луізіяна. Заснаваны ў 1853 годзе як Ваенная акадэмія і адукацыйная семінарыя штата Луізіяна (Louisiana State Seminary of Learning & Military Academy). Цяперашні кампус універсітэта быў пабудаваны ў 1926 годзе. Ён размешчаны на беразе ракі Місісіпі і складаецца з больш чым 250 будынкаў у стылі італьянскага Адраджэння. У склад універсітэта ўваходзіць 14 школ і каледжаў. Каледжы бізнесу і права лічацца аднымі з найбольш прэстыжных у ЗША.