Уну́траныя воды — водная частка тэрыторыі дзяржавы, за выключэннем тэрытарыяльнага мора.
Унутраныя воды складаюцца з рэк, азёр, вадасховішчаў, ручаёў, балот, вод марскіх партоў, заліваў, бухт і вады ў верхняй частцы зямной кары (падземныя воды). У склад унутраных вод таксама ўваходзяць пагранічныя воды ў межах граніц тэрыторыі дзяржаў і воды, размешчаныя ў бок берага ад зыходных ліній, прынятых у мэтах адліку тэрытарыяльных вод.
Прававы рэжым унутраных вод вызначаецца заканадаўствам дзяржавы, а пагранічных — яшчэ і пагадненнямі паміж сумежнымі дзяржавамі.