Уладзіслаў Людвігавіч Місевіч (нар.8 мая 1945, Арэнбург) — беларускі эстрадны музыкант, Заслужаны артыст Беларускай ССР (1979), з 1968 года па 1992 год удзельнік ВІА «Песняры»; адзін з заснавальнікаў і ўдзельнікаў ВІА «Беларускія песняры» з 1998 года.
Вучыўся ў Мінскім музычным вучылішчы імя М.Глінкі (1963-66), скончыў Мінскі інстытут культуры (1988). У 1967 годзе працаваў у Беларускай дзяржаўнай філармоніі, у ансамблі пад кіраўніцтвам І. Капланава, дзе на гітары граў і У. Мулявін.
З 1968 года працаваў у музычных калектывах пад кіраўніцтвам У. Мулявіна, «Лявоны», з 1970 года — «Песняры». З 1998 года працуе ў ансамблі «Беларускія песняры».