У Вікіпедыі ёсць артыкулы пра іншых асоб з прозвішчам Антропаў.
Уладзіслаў Андрэевіч Антропаў (нар. 2 студзеня 1937, Анапа, Краснадарскі край, Расія) — фізік. Доктар фізіка-матэматычных навук (1992), прафесар (1994).
Скончыў Ленінградскі дзяржаўны ўніверсітэт (спецыяльнасць «Фізіка», 1959; аспірантура, спецыяльнасць «Радыёфізіка», 1962).
Працаваў у Навукова-даследчым інстытуце № 299 (г. Варонеж, з 1962, старшы навуковы супрацоўнік), Гомельскім дзяржаўным універсітэце (1971—1989, дацэнт кафедры агульнай фізікі, у 1971—1976 — загадчык кафедры), Пензенскім дзяржаўным універсітэце (з 1989, прафесар кафедры «Фізіка»).
Навуковыя інтарэсы: стварэнне сродкаў радыётэхнічай аховы; пытанні дыфракцыі электрамагнітных і акустычных хваляў на целах складанай формы; узаемадзеянне электрамагнітных і акустычных хваляў з носьбітамі электрычных зарадаў у цвёрдых целах; фатонныя патокі.