Уладзімір Расатэ (Уладзімір — славянскае імя, Расатэ — булгарскае) — кіраўнік (князь) Балгарыі з 889 па 893 гады. Старэйшы сын князя Барыса Святога, атрымаў прастол пасля таго, як Барыс сышоў у манастыр.
У 892 годзе Уладзімір Расатэ заключыў саюз з Арнульфам Карынтыйскім супраць Вялікай Маравіі і ўскосна супраць Візантыі. Пасля таго, як Уладзімір узначаліў язычніцкае праследаванне хрысціянства, Барыс I вярнуўся на кароткі час да ўлады, зрынуў Уладзіміра і ўзвёў на прастол іншага сына — Сімяона I, які працягнуў палітыку хрысціянізацыі балгараў. Уладзімір быў аслеплены; далейшы яго лёс невядомы.