У Вікіпедыі ёсць артыкулы пра іншых асоб з прозвішчам Байкоў.
Уладзімір Пятровіч Байкоў (нар. 15 студзеня 1951, Мінск) — беларускі спецыяліст у галіне трактарабудавання. Доктар тэхнічных навук (1989), прафесар (1990).
Скончыў Беларускі політэхнічны інстытут (спецыяльнасць «Трактарабудаванне», 1973; аспірантура, 1977).
Працуе ў Беларускім нацыянальным тэхнічным універсітэце (з 1977, аўтатрактарны факультэт, кафедра «Трактары», загадчык кафедры).
Навуковыя інтарэсы: даследаванне энергаэфектыўных і экалагічна бяспечных хадавых сістэм трактараў і мабільных калёсна-гусенічных цягава-транспартных машын.
Званне «Заслужаны вынаходнік Беларускай ССР» (1990), Дзяржаўная прэмія Рэспублікі Беларусь (1996).