Уладзімір Мсціславіч (у хрышчэнні Дзмітрый; 1132 — 30.5.1171) — князь дарагабужскі (1150—1171), князь уладзіміра-валынскі (1154—1157), князь слуцкі (1162), князь трыпольскі (1162—1168), князь кіеўскі (1171), сын кіеўскага князя Мсціслава Уладзіміравіча ад другога шлюбу.
Пасля смерці старэйшага брата Святаполка (1154) атрымаў Уладзіміра-Валынскае княства, адкуль у 1156 годзе яго выгнаў Мсціслаў Ізяславіч. У наступныя гады Уладзімір Мсціславіч беспаспяхова дамагаўся Уладзіміра і Турава. У 1162 годзе ўпамінаецца як трымальнік Слуцка, адкуль быў выгнаны кааліцыяй князёў: «Рюрик и Святополк Гюргевичь Туровьским и Святослав Всеволодович с братомъ Ярославом и съ Олгомъ Святославичем и с Володимиричемъ и съ Кривьскими князьми идоша къ Случьску». Пасля Уладзімір Мсціславіч часта пераходзіў з аднаго княжання на другое, пакуль незадоўга да смерці заняў княжацкі пасад у Кіеве.
Тэмы гэтай старонкі (11):