Уладзімір Амелькін (нар. 3 красавіка 1943, г. Наманган, Узбекістан) — беларускі матэматык. Доктар фізіка-матэматычных навук (1997, Перыядычныя рухі дзвюхмерных дынамічных сістэм), прафесар (1997).
Скончыў Магілёўскі педагагічны інстытут (1965). Працуе ў БДУ. Навуковыя працы па дыферэнцыяльных раўнаннях. Распрацаваў метады развязання праблемы ізахроннасці і праблемы класіфікацыі лімітавых цыклаў для адвольных дынамічных сістэм, знайшоў канструктыўныя крытэры існавання, кратнасці і ўстойлівасці ізаляваных перыядычных рухаў.