Уладзімір Іванавіч Цярноў (нар. 10 лютага 1937, г. Масква, Расія) — беларускі гігіеніст, радыебіёлаг, радыетаксіколаг. Доктар медыцынскіх навук (1986), прафесар (1988). Член Нацыянальнай камісіі Рэспублікі Беларусь па радыяцыйнай засцярозе пры Савеце Міністраў Рэспублікі Беларусь (з 2007), старшыня камісіі (1994—2001), намеснік старшыні (2001—2007).
Скончыў Мінскі дзяржаўны медыцынскі інстытут (1960), Усесаюзны навукова-даследчы інстытут гігіены працы і прафесійных захворванняў (Ленінград; 1964).
Працаваў Беларускім навукова-даследчым санітарна-гігіенічным інстытуце (1960—1961 і 1964—1979 — кіраўнік аддзела радыяцыйнай гігіены, пазней гігіены працы); Беларускай медыцынскай акадэміі паслядыпломнай адукацыі (з 1979; старшы выкладчык, з 1981 — дацэнт, з 1987 — прафесар, у 1991—2005 — загадчык кафедры агульнай гігіены, з 1997 — гігіены і медыцынскай экалогіі, з 2005 — прафесар, у 1984—1995 — прарэктар па навуковай рабоце).
Навуковыя інтарэсы: радыяцыйная гігіена і радыебіялогія; радыяцыйная таксікалогія; канцэптуальныя асновы радыяцыйнай засцярогі, гігіенічнай ацэнкі наступстваў аварыі на Чарнобыльскай АЭС.
Медаль «За доблесную працу» (1970), значок «Отличнику здравоохранения» (1975) і інш.