У Вікіпедыі ёсць артыкулы пра іншых асоб з прозвішчам Ішчанка. Уладзімір Іванавіч Ішчанка (10 чэрвеня 1939, г. Жытомір, Украіна — 4 жніўня 2005) — беларускі фармаколаг. Доктар фармацэўтычных навук (1988), прафесар (1989).
Скончыў Львоўскі дзяржаўны медыцынскі інстытут (фармацэўтычны факультэт, 1961), Віцебскі дзяржаўны медыцынскі інстытут (аспірантура, 1965).
Выкладаў у Віцебскім дзяржаўным медыцынскім універсітэце (з 1961 года, фармацэўтычны факультэт, кафедра фармацэўтычнай тэхналогіі, у 1979—2005 гадах — загадчык кафедры, у 1969—1996 гадах — дэкан факультэта).
Навуковыя інтарэсы: тэарэтычныя даследаванні біялагічнай даступнасці і ўстойлівасці таблетак алкалоідаў; стварэнне новых лекавых сродкаў, паляпшэнне іх уласцівасцей і прамысловай тэхналогіі.