Т-44 (Аб’ект 136) — савецкі сярэдні танк. Быў створаны ў 1943—1944 гадах канструктарскім бюро Уралвагонзавода пад кіраўніцтвам А. А. Марозава і прызначаўся для замены Т-34 у ролі асноўнага сярэдняга танка РСЧА. Нягледзячы на значнае знешняе падабенства з Т-34-85, канструктыўна Т-44 меў з ім мала агульнага і з’яўляўся прадстаўніком якасна новага пакалення танкаў, да якога адносіўся і пасляваенны Т-54.
Серыйная вытворчасць Т-44 пачалася ў 1944 годзе, аднак у ходзе Вялікай Айчыннай вайны яна вялася ў абмежаваных маштабах з мэтай не дапусціць скарачэння выпуску Т-34-85 у перыяд ажыццяўлення маштабных наступальных аперацый; у баявых дзеяннях Вялікай Айчыннай вайны танк удзелу не прымаў.
Пасля вайны вытворчасць Т-44 працягвалася да 1947 года, яго выпуск абмежаваўся параўнальна малай па мерках серыйных танкаў таго часу колькасцю (усяго было выпушчана 1823 танка гэтага тыпу) і ў ролі асноўнага сярэдняга танка ён так і не змяніў Т-34-85, які быў заменены ўжо Т-54. Тым не менш, Т-44, неаднаразова мадэрнізаваліся і заставаліся на ўзбраенні Савецкай арміі аж да 1970-х гадоў.