Тэрэнс Тао (нар. 17 ліпеня 1975, Адэлаіда, Аўстралія) — аўстралійскі і амерыканскі матэматык, які працуе ў асноўным у галіне гарманічнага аналізу, дыферэнцыяльных ураўненняў у прыватных вытворных, камбінаторыкі, тэорыі лікаў і тэорыі ўяўленняў. Найбольш вядомай яго працай з’яўляецца доказ (сумесна з брытанскім матэматыкам Бенам Грынам) існавання калі заўгодна доўгіх арыфметычных прагрэсій простых лікаў (тэарэма Грына — Тао). Доктар філасофіі (1996), прафесар матэматыкі ў Каліфарнійскім універсітэце ў Лос-Анджэлесе (з 1999). Член Лонданскага каралеўскага таварыства з 18 мая 2007 года. Замежны член Нацыянальнай акадэміі навук ЗША (2008). Член Амерыканскага філасофскага таварыства (2012), членкар АН Аўстраліі.
Лаўрэат Філдсаўскай прэміі (2006). Лаўрэат Міжнароднай прэміі караля Фейсала ў сферы навукі (2010).