Тэлефаса (стар.-грэч.: Τηλέφασσα — далёка бачная або «тая, што далёка свеціць») — у старажытнагрэчаскай міфалогіі жонка Агенора, маці Еўропы, Кадма, Фенікса і Кіліка[4] (або жонка Фенікса, маці Еўропы[5]).
Па Мосху, яе маці Лівія падарыла ёй залаты кошык для кветак працы Гефеста, а яна падарыла яго Еўропе.
Разам з сынамі яна адправілася на пошукі Еўропы і пасялілася з Кадмам ў Фракіі, дзе і памерла і была пахавана[6] (або яна памерла на востраве Фасас[7]).