Тэджон — горад прамога падпарадкавання ў цэнтры Паўднёвай Карэі, адміністрацыйны цэнтр правінцыі Чхунчхон-Намда. Афіцыйная назва горада — Горад-метраполія Тэджон. Пяты па велічыні горад Карэі з насельніцтвам 1564 тыс. жыхароў. Навукова-тэхнічная сталіца Паўднёвай Карэі. Размешчаны ў сярэдняй частцы Паўднёвай Карэі, за 167 км ад Сеула, за 294 км ад Пусана і за 169 км ад Кванджу. У Тэджоне вільготны мусонны клімат. Зіма прахалодная і сонечная, яе працягласць каля двух месяцаў, лета спякотнае і дажджлівае, яго працягласць — пяць месяцаў.