Тыхуана (ісп.: Tijuana) — горад на паўночным захадзе Мексікі, найбуйнейшы ў штаце Ніжняя Каліфорнія і самы заходні ва ўсёй Лацінскай Амерыцы. Размешчаны за 170 км ад сталіцы штата — Мехікалі і ў гадзіне язды ад партовага горада Энсенада. Тыхуана таксама з’яўляецца адміністрацыйным цэнтрам аднайменнага муніцыпалітэта. Аддзелены дзяржаўнай мяжой ад горада-пабраціма ў ЗША — Сан-Дыега, агульная колькасць насельніцтва гэтых гарадоў перавышае 5 млн чалавек.