Ту́хавіцкі сельсавет — былая адміністрацыйна-тэрытарыяльная адзінка ў складзе Ляхавіцкага раёна Брэсцкай вобласці. Цэнтр — вёска Тухавічы.
Утвораны 12 кастрычніка 1940 года ў складзе Быценскага раёна Баранавіцкай вобласці БССР. З 8 студзеня 1954 года ў Брэсцкай вобласці. 22 красавіка 1957 года ў склад Крывошынскага сельсавета Ляхавіцкага раёна перададзена вёска Залужжа[1]. З 14 кастрычніка 1957 года ў Ляхавіцкім раёне. 6 красавіка 1981 года скасаваны, тэрыторыя далучана да Востраўскага сельсавета[2].
На момант скасавання ў склад сельсавета ўваходзілі 3 населеныя пункты: вёскі Забер’е, Рагачы і Тухавічы.