Туркестан (перс.: ترکستان — «краіна цюрак», узб.: Туркистон, каз.: Түркістан) — гістарычны рэгіён Цэнтральнай Азіі, населены народамі цюркскага паходжання. Раней было распаўсюджана таксама персідская назва рэгіёна — Туран (гл. Туранская нізіна). Гістарычна рэгіён складаецца з дзвюх асноўных частак:
Усходні Туркестан — гістарычная вобласць, населеная цюркскімі народамі на захадзе Кітая, афіцыйная назва — Сіньцзян-Уйгурскі аўтаномны раён (СУАР).
Заходні Туркестан — тэрыторыя сучасных Узбекістана, Туркменістана, Кыргызстана, Таджыкістана і Казахстана. Тое ж, што і Сярэдняя Азія. Этнакультурныя межы рэгіёна некалькі шырэй адміністрацыйна-тэрытарыяльных утварэнняў, у склад уваходзяць таксама некаторыя раёны Паўднёвай Сібіры, поўнач Ірана і Афганістана; гл. «Карта Туркестана» ў артыкуле рэгіён Туркестан.