Тумас Ёста Транстромер (шведск.: Tomas Gösta Tranströmer [ˈtʊːmas ˈjœsˈta ˈtrɑːnˈstrœmər]; 15 красавіка 1931 — 26 сакавіка 2015) — вядомы шведскі паэт XX стагоддзя, пісьменнік. Лаўрэат Нобелеўскай прэміі па літаратуры (2011).
Паводле асноўнай прафесіі — доктар-псіхолаг, а таксама прафесійны піяніст. Апошнім часам жыў у Стакгольме.
Аўтар 12 кніг вершаў і прозы, сярод якіх «17 вершаў» (17 dikter, 1954), «Згукі і сляды» (Klanger och spår, 1966), «Жывым і мёртвым» (För levande och döda, 1989) і інш. Перакладаў на шведскую мову творы французскіх сюррэалістаў.