Тройскі замак (чэшск.: Trojský zámek) — першы ў Празе летні загарадны палац (чэшск.: Tletohrádek). Выбудаваны ў аднайменным прыгарадзе Прагі на беразе Влтавы ў 1679—1691 гг. імперскімі графамі Штэрнбергамі(чэшск.) бел. па барочным праекце французскага эмігранта Жана-Батыста Матэі(чэшск.) бел..
Ляпныя ўпрыгожванні лесвіцы, якая вядзе ў сад, выкананы братамі Герман з Дрэздэна. Над вычварнымі фрэскамі-падманкамі ўсярэдзіне палаца працавалі запрошаныя італьянцы і галандцы; з іх найбольшай вядомасцю карыстаецца плафон на тэму апафеозу Габсбургаў.
У наш час у сценах будынка экспануюцца карціны чэшскіх мастакоў XIX стагоддзя, а таксама дзейнічае музей віна. Каля сядзібнага дому ўсталяваны помнік Яну Гусу (1926), а трохі далей размяшчаюцца Пражскі заапарк і батанічны сад.
На Вікісховішчы ёсць медыяфайлы па тэме Палац-замак Троя