Трашкунай
Трашкунай (літ.: Troškūnai, традыцыйная беларуская назва — Трашку́ны) — горад у цэнтральнай Літве, знаходзіцца ў Анікшчэйскім раёне Уцянскага павета. З’яўляецца адным з самых маленькіх гарадоў Літвы. Колькасць насельніцтва складае каля 480 чалавек. Горад адносіцца да этнаграфічнага рэгіёна Аўкштайція.
Гісторыя
Першыя гістарычныя згадкі пра Трашкуны адносяцца да 1696 года. Бернардзінцамі Уладзіславам і Ганнай Сакалоўскімі былі пабудаваны касцёл і манастыр. Паселішча знаходзілася ў складзе Вялікага Княства Літоўскага. Трашкуны лічацца месцам нараджэння Канстанцінаса Шырвідаса[1], які лічыцца заснавальнікам літоўскай пісьменнасці. У 1795 годзе Трышкуны трапілі ў склад Расійскай імперыі. Падчас Першай Сусветнай вайны з лета 1915 года Трашкуны былі заняты нямецкімі войскамі.
З 1940 года да 1991 года Трашкунай уваходзіў у склад Літоўскай ССР, СССР. Гарадскія правы Трашкунай атрымаў у 1956 годзе. Герб Трашкуная быў зацверджаны 2 чэрвеня 2003 года. Аўтарам выявы герба стаў Раландас Рымкунас (Rolandas Rimkūnas)[2].
Насельніцтва
| Дынаміка насельніцтва Трашкуная | |||||||||||||
|---|---|---|---|---|---|---|---|---|---|---|---|---|---|
| Год | 1903 | 1970 | 1979 | 1989 | 2001 | 2010 | |||||||
| жыхароў | 1 040 | 1 434 | 1 174 | 672 | 525 | 486 | |||||||
Славутасці
- Касцёл і кляштар бернардзінцаў
- Драўляная капліца на могілках (пабудавана ў 1790 годзе)
Зноскі
Спасылкі
На Вікісховішчы ёсць медыяфайлы па тэме Трашкунай
Катэгорыя·Населеныя пункты Анікшчэйскага раёна
Катэгорыя·Гарады Літвы
Катэгорыя·Вікіпедыя·Артыкулы з пераазначэннем значэння з Вікідадзеных
Category:%D0%A1%D1%82%D0%B0%D1%80%D0%BE%D0%BD%D0%BA%D1%96 %D0%B7 %D0%BA%D0%B0%D1%80%D1%82%D0%B0%D0%BC%D1%96
Катэгорыя·Населеныя пункты паводле алфавіта
Катэгорыя·Трашкунайская сянюнія