Тоні Дрэга (англ.: Tony Drago; нар. 22 верасня 1965, Валета, Мальта) — былы мальтыйскі прафесійны гулец у снукер і пул. Фіналіст International Open 1997 года і чвэрцьфіналіст чэмпіянату свету 1988 года. Былы дзясяты нумар сусветнага рэйтынгу (1998/1999), з сезона 1994/1995 да сезона 1998/1999 нязменна ўваходзіў у топ-16. Аўтар найхутчэйшага соценнага брэйка ў гісторыі снукера (3 хвіліны 31 секунда). У 2002 годзе выканаў сваю адзіную максімальную серыю.