У Вікіпедыі ёсць артыкулы пра іншых асоб з прозвішчам Джэксан.
Томас Джонатан Джэксан (з 1861 года вядомы таксама пад мянушкай «Стоўнуол», або «Каменная Сцяна» (англ.: Thomas Jonathan «Stonewall» Jackson, а таксама «Old Blue Light»); 21 студзеня 1824 — 10 мая 1863) — генерал Канфедэратыўных Штатаў Амерыкі ў гады Грамадзянскай вайны.
Адзін з самых таленавітых генералаў Поўдня і адзін з самых знакамітых генералаў у гісторыі ЗША. У бітве пры Чанселарсвілі 2 мая 1863 года быў па памылцы паранены дазорам канфедэратаў, пазбавіўся рукі і памёр праз 8 дзён ад пнеўманіі. Гібель Джэксана лічыцца адной з прычын няўдач Паўночна-Вірджынскай арміі ў ходзе наступнай Гетысбергскай кампаніі і ўсёй наступнай вайны. Па сведчанні генерала Гордана, Роберт Лі лічыў гібель Джэксана асноўнай прычынай паразы Канфедэрацыі ў Грамадзянскай вайне.