wd wp Пошук: ⬜

Таццяна Васільеўна Бірыч

У Вікіпедыі ёсць артыкулы пра іншых асоб з прозвішчам Бірыч. Таццяна Васільеўна Бі́рыч (10 студзеня 1905, в. Лошніца, Барысаўскі раён — 26 лютага 1993) — беларускі савецкі афтальмолаг. Член-карэспандэнт АН БССР (1972), доктар медыцынскіх навук, прафесар (1948). Герой Сацыялістычнай Працы (1974). Заслужаны дзеяч навукі БССР (1944), заслужаны ўрач БССР (1948)[1]. Дачка Таццяны Васільеўны Тамара Бірыч таксама была вядомым афтальмолагам[2].

Біяграфія

Скончыла Беларускі дзяржаўны ўніверсітэт ў 1928 годзе. З 1939 г. дацэнт кафедры хвароб вачэй Мінскага медыцынскага інстытута, з 1941 г. дацэнт медыцынскага інстытута ў Саратаве, кансультант, начальнік аддзялення хвароб вачэй эвакашпіталю. З 1945 па 1985 гг. загадчык кафедры хвароб вачэй Мінскага медыцынскага інстытута[3]. Галоўны афтальмолаг рэспублікі, старшыня Навуковага таварыства афтальмолагаў БССР. Дэпутат Вярхоўнага Савета БССР, намеснік старшыні Вярхоўнага Савета БССР у 1963—1967[1] гг.

Навуковая дзейнасць

Асноўныя навуковыя працы ў галіне аксігенатэрапіі(руск.) бел. хвароб вачэй, лячэння сухотаў і апёкаў вачэй, выдалення катаракты з дапамогай нізкіх тэмператур (першая ў СССР [4]), вывучэння кровазліцця ў сятчатку ў нованароджаных пры нармальных і паталагічных родах[1][5].

Упершыню ў Савецкім Саюзе (1961) ужыла метад крыяхірургіі пры захворваннях вачэй[5].

Навуковыя працы

Аўтар больш за 230 навуковых прац, у тым ліку 4 манаграфій [5]:

Оксигенотерапия в офтальмологии. Мн.: Беларусь, 1972.
Изменение глазного дна у новорожденных при нормальных и патологических родах. Мн.: Беларусь, 1975 (совм. с В. Н. Перетицкой).
Ожоги глаз. Мн.: Беларусь, 1979.
Применение низких температур в офтальмологии. Мн.: Беларусь, 1984.

Узнагароды

Узнагароджана ордэнамі Леніна (1974), Працоўнага Чырвонага Сцяга (1949, 1960), медалямі. Ганаровы грамадзянін горада Мінска (1987)[5].

Зноскі

1 2 3 Бирич Татьяна Васильевна // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 59. — 737 с.
↑ Офтальмологи-легенды. В день 110-летия Татьяны Бирич умерла ее дочь и продолжатель династии Тамара Бирич Архівавана 15 студзеня 2015. (руск.)
↑ БГМУ → Кафедры → Глазных болезней → История
↑ Это мы. 110 лет со дня рождения легендарного офтальмолога Татьяны Бирич Архівавана 13 студзеня 2015. (руск.)
1 2 3 4 Член-карэспандэнт БІРЫЧ Таццяна Васільеўна

Літаратура

Беларусь: Энцыкл. даведнік / Беларуская энцыклапедыя; Рэдкал. Б. І. Сачанка (гал. рэд.) і інш.. — Мн.: БелЭн, 1995. — С. 117. — 800 с. — 5 000 экз. — ISBN 985-11-0026-9.
Татьяна Васильевна Бирич: к 70-летию со дня рождения // Здравоохранение Белоруссии. 1975. № 1.
Татьяна Васильевна Бирич (К 100-летию со дня рождения (1905—1993 гг.) // Белорусский медицинский журнал. 2005. № 1(11).
Доктор медицинских наук, профессор Т. В. Бирич: биобиблиогр. указ. Минск: БГМУ, 2005.

Спасылкі

Член-карэспандэнт БІРЫЧ Таццяна Васільеўна
Таццяна Васільеўна Бірыч у базе даных «История белорусской науки в лицах» Цэнтральнай навуковай бібліятэкі імя Якуба Коласа НАН Беларусі (руск.)
Это мы. 110 лет со дня рождения легендарного офтальмолога Татьяны Бирич Архівавана 13 студзеня 2015. (руск.)
Таццяна Васільеўна Бірыч на сайце анлайн-энцыклапедыі «Беларусь у асобах і падзеях»