Сі́тніцкі кана́л — меліярацыйны канал у Лунінецкім раёне Брэсцкай вобласці і Жыткавіцкім раёне Гомельскай вобласці, левы прыток ракі Прыпяць. Даўжыня 24 км. Пачынаецца са старарэчча ракі Лань, за 6,5 км на паўднёвы захад ад вёскі Грычынавічы Жыткавіцкага раёна, вусце за 4 км на поўдзень ад вёскі Сітніца Лунінецкага раёна. З Сітніцкага канала пачынаецца і ўпадае ў яго канал Глухая Лань (справа). Цячэ ў лясістай забалочанай мясцовасці. Пабудаваны ў 1937 годзе.