У Вікіпедыі ёсць артыкулы пра іншых асоб з прозвішчам Касцюк.
Сяргей Віктаравіч Касцюк (нар. 1 жніўня 1977, Кобрын, Брэсцкая вобласць) — беларускі хімік, спецыяліст у галіне высокамалекулярных злучэнняў. Доктар хімічных навук (2019), дацэнт (2012), прафесар[1].
Скончыў Беларускі дзяржаўны ўніверсітэт (спецыяльнасць «Хімія», 1999; аспірантура, 2002).
Працуе ў Навукова-даследчым інстытуце фізіка-хімічных праблем Беларускага дзяржаўнага ўніверсітэта (з 1999, малодшы навуковы супрацоўнік лабараторыі фізічнай хіміі і мадыфікацыі цэлюлозы, з 2008 — загадчык лабараторыі каталізу палімерызацыйных працэсаў).
Навуковыя інтарэсы: іонная палімерызацыя; палімерызацыя з раскрыццём цыкла; каардынацыйны каталіз.