У Вікіпедыі ёсць артыкулы пра іншых асоб з прозвішчам Дудкін. Сяргей Веніямінавіч Дудкін (4 верасня 1962, пас. Смілавічы, Чэрвеньскі раён, Мінская вобласць) — беларускі палітык, дэпутат Палаты прадстаўнікоў Нацыянальнага сходу Рэспублікі Беларусь V склікання.
Нарадзіўся 4 верасня 1962 года ў пас. Смілавічы Чэрвеньскага раёна Мінскай вобласці.
Скончыў Міжнародны інстытут працоўных і сацыяльных адносін па спецыяльнасці «Правазнаўства», юрыст.
Працаваў токарам, фармоўшчыкам на Мінскім аўтамабільным заводзе, вызваленым старшынёй прафсаюзнага камітэта сталеліцейнага цэха № 2, старшынёй заводскага камітэта прафсаюза ліцейнага завода ААТ «МАЗ».
У 2012—2016 гадах дэпутат Палаты прадстаўнікоў Нацыянальнага сходу Рэспублікі Беларусь V склікання.
Узнагароджаны Ганаровай граматай Міністэрства прамысловасці Рэспублікі Беларусь.
Жанаты, мае двух сыноў.