Сяргей Іванавіч Грыцавец (6 (19) ліпеня 1909, Бараўцы, Баранавіцкі раён, Брэсцкая вобласць — 16 верасня 1939) — двойчы Герой Савецкага Саюза (22.8. і 29.8.1939).
Скончыў Арэнбургскую ваенную школу лётчыкаў (1932), школу паветраннага бою (1936). Лётчык-знішчальнік, камандзір авіязвяна, атрада, знішчальнага авіяпалка. Удзельнік грамадзянскай вайны ў Іспаніі (збіў больш за 30 самалётаў), у 1939 годзе на рацэ Халхін-Гол (збіў 12 самалётаў, у адным з баёў выратаваў камандзіра авіяпалка). Загінуў у авіякатастрофе каля пасёлка Балбасава Аршанскага раёна Віцебскай вобласці. У Мінску, Баранавічах, Балбасаве, вёсцы Моўчадзь Баранавіцкага раёна яму пастаўлены помнікі.