Сямён Уладзіміравіч Букчын (18 жніўня 1941, сяло Валаконаўка, Курская вобласць, РСФСР) — беларускі і рускі літаратуразнаўца, крытык, пісьменнік, публіцыст. Доктар філалагічных навук (1999).
Нарадзіўся ў сям’і настаўніцы і вайскоўца ў вёсцы Валаконаўка Курскай вобласці РСФСР. З 1949 года жыве ў Мінску. У 1967 г. скончыў аддзяленне журналістыкі філалагічнага факультэта Беларускага дзяржаўнага ўніверсітэта. У 1959—1961 гг. працаваў фрэзероўшчыкам на Мінскім электратэхнічным заводзе. Праходзіў тэрміновую вайсковую службу ў Савецкай Арміі (1964—1967 гг.). У 1967—1968 гг. працаваў старшым рэдактарам на Беларускім тэлебачанні, у 1968—1969 гг. — старшым навуковым рэдактарам у выдавецтве «Беларуская савецкая энцыклапедыя», з 1969 да 1985 гг. — адказным сакратаром часопіса «Весці АН БССР».
У 1972 г. абараніў кандыдацкую дысертацыю на тэму «В. М. Дорошевич. Творческая судьба. Мастерство». З 1985 г. па 1993 г. працаваў старшым навуковым супрацоўнікам Інстытута літаратуры АН Беларусі. У 1993—1996 гг. быў старшым навуковым супрацоўнікам Аддзела праблем гуманітарнага выхавання пры Прэзідыуме АН Беларусі, а ў 1996—1997 гг. — старшым навуковым супрацоўнікам лабараторыі метадалагічных праблем гуманітарнай адукацыі Рэспубліканскага інстытута вышэйшай школы і гуманітарнай адукацыі. У 1992—1995 гг. рэдагаваў незалежную газету «Европейское время». Адзначаны як «Чалавек года» ў намінацыі «Журналістыка» (1994 г.). У 1998—2001 гг. працаваў журналістам і выкладчыкам у Варшаве. У 1999 годзе абараніў доктарскую дысертацыю па тэме «Творчасць А. П. Чэхава і праблемы прозы 1880—1890 гг.».
Друкуецца з 1959 года. Член Саюза пісьменнікаў СССР (1983) і Міжнароднага ПЭН-клуба. Аўтар сцэнарыя дакументальнага фільма «Селькор» (Беларусьфільм, 1970. Рэжысёр М.Заслонава, аператар А.Сіманаў).
Складанне, падрыхтоўка тэкстаў, уступныя артыкулы, каментарыі, рэдагаванне
Уступныя артыкулы, прадмовы, пасляслоўі