Сцяг Аўстрыі
Сцяг Аўстрыі прыняты ў 1919 годзе. Адменены ў 1938 г. Ізноў адноўлены як дзяржаўны ў 1945 г. Нацыянальны сцяг Аўстрыі ўяўляе сабой прамавугольнае палотнішча з суадносінамі бакоў 2:3, якое складаецца з трох роўнавялікіх гарызантальных палос — верхняй чырвонай, сярэдняй белай і ніжняй чырвонай. Разам са сцягам Даніі лічыцца аднім з старэйшых сцягаў Еўропы.
Чырвоны колер закліканы сімвалізаваць кроў патрыётаў, разлітую ў барацьбе за волю і незалежнасць Аўстрыйскай Рэспублікі. Белы колер — знак волі, заваяванай народам Аўстрыі ў выніку звяржэння ў гэтай краіне манархічнага рэжыму. Акрамя таго, паводле афіцыйнай версіі сцвярджэння сімволікі колераў аўстрыйскага сцяга, белая паласа пазначае Дунай, які перасякае тэрыторыю Аўстрыі з захаду на ўсход.
Легенда
Згодна з легендай, выгляд сцяга быў вынайдзены герцагам Аўстрыйскім Леапольдам V падчас крыжовых паходаў. Пасля адной з жорсткіх боек белая паходная форма герцага была ўся пакрыта крывёю, але калі ён зняў пояс, аказалася, што пад яго кроў не прасачылася, і пасярод формы засталася белая паласа. Герцагу настолькі спадабаліся гэтыя колеры, што ён пасля перанёс іх на свой штандар.
Землі
Асноўны артыкул: Сцягі зямель Аўстрыі У Сеціве
На Вікісховішчы ёсць медыяфайлы па тэме Сцяг Аўстрыі
Зноскі
- ↑ Афіцыйна зацверджаны 27.04.1984
Катэгорыя·Сцягі 1945 года
Катэгорыя·Дзяржаўныя сімвалы Аўстрыі
Катэгорыя·Сцягі 1919 года
Катэгорыя·Сцягі 1938 года
Катэгорыя·Сцягі дзяржаў
Катэгорыя·Сцягі паводле алфавіта