Сутыкненне двух Ту-134 над Днепрадзяржынскам — авіякатастрофа, якая адбылася ў суботу 11 жніўня 1979 года і стала адной з найбуйнейшых у гісторыі авіяцыі.
11 жніўня 1979 года ў 13 гадзін 35 хвілін у небе ў раёне Днепрадзяржынска на вышыні 8400 метраў сутыкнуліся два самалёты Ту-134А кампаніі “Аэрафлот”, у выніку чаго загінулі ўсе 178 пасажыраў абодвух рэйсаў. Паводле колькасці ахвяр гэта авіякатастрофа ў гісторыі Украіны і Ту-134 займае першыя месцы, у гісторыі Савецкага Саюза і сутыкненняў у паветры ў свеце — другое, а сярод сутыкненняў самалётаў наогул — трэцяе. У спісе загінулых апынуліся 17 членаў узбекскага футбольнага клуба «Пахтакор», праз гэта трагедыя набыла асаблівы рэзананс.
Ту-134А борт № 65816 ляцеў па рэйсе 7628 Чалябінск—Варонеж—Кішынёў, а Ту-134АК борт № 65735 - па рэйсе 7880 Ташкент—Гур’еў—Данецк—Мінск.
Экіпаж самалёта Ту-134А СССР-65735 пахаваны на Усходніх могілках Мінска.