Сусветны дзень мадэрну (англ.: World Art Nouveau Day) - штогадовае свята 10 чэрвеня[1]. Створана для прапаганды мастацтва высокага стылю мадэрн у архітэктуры, жывапісе, музыцы і г.д., а таксама захавання яго спадчыны. К гэтай даце ладзяцца выставы, фотаконкурсы, экскурсіі[2], чытанні.
Ідэя першага Міжнароднага дня мадэрну ў 2013 годзе прыйшла з Венгрыі, дзе ён прайшоў у Музеі прыкладнога мастацтва па ініцыятыве часопіса Szecessziós Magazin. З тых часоў штогадовы Дзень мадэрну праходзіць пры падтрымцы Еўрапейскага руху Réseau Art Nouveau Network (Брусэль) і Art Nouveau European Route (Барселона). Датай яго правядзення абрана 10 чэрвеня, бо ў гэты дзень памерлі два выдатныя прадстаўнікі гэтага стылю: Антоніа Гаўдзі і Эдэн Лехнер.