Стуршён (шведск.: Storsjön) — пятае па велічыні возера у Швецыі. Самы вялікі востраў — Фросен, разам з размешчаным на ўсходнім беразе горадам Эстэрсунд утварае цэнтр гістарычнай правінцыі Емтланд. Праз возера працякае рака Індальсэльвен.
Плошча возера складае 456,33 км².[1] Даўжыня возера — 70 км, шырыня — 25 км.[2] Аб’ём возера складае 8,018 км³.[3] Максімальная глыбіня возера — 74 м, сярэдняя глыбіня — 17,3 м.[3] Плошча вадазборнага басейна складае 12,100 км². [4]
Па возеры праходзяць дзве паромныя лініі кампаніі Vägverket Färjerederiet. У зімовы перыяд іх замяняюць дарогі, пракладзеныя па лёдзе.
Паводле легенды, у возеры жыве пачвара Storsjöodjuret. Першае паведамленне пра яго з’явілася ў 1635 годзе.