Стракачы[1] (Cleridae) — сямейства насякомых з атрада цвердакрылыя.
Яркія прыгожыя жукі з стракатай афарбоўкай (стракач пчаліны, або пчалажук звычайны). Даўжыня цела 3—24 мм. Дарослых насякомых можна сустрэць на кветках парасонавых і складанакветных раслін.
Жукі-стракачы выяўленыя ў Амерыцы, Афрыцы, Еўропе, Азіі і ў Аўстраліі. Усяго ў свеце вядома каля 3500 відаў. У Паўночнай Амерыцы каля 500 відаў. На тэрыторыі Беларусі 8 відаў, часцей трапляюцца стракач мурашыны, або мурашка-жук (Thanasimus formicarius), і стракач пчаліны, або пчалажук звычайны (Trichodes apiarius).