У Вікіпедыі ёсць артыкулы пра іншых асоб з прозвішчам Касінскі. Станіслаў Касінскі (польск.: Stanisław Kosiński, каля 1587, Мазовія — 22 красавіка 1657, Рэшаль, Вармінска-Мазурскае ваяводства) — святар, педагог.
Уступіў у Таварыства Ісуса 25 верасня 1603 г. Прэфект школ у Полацку (1619—1620). Рэктар Дэрпцкага (1620—1623) і Полацкага (1625—1629, 1642—1647) езуіцкіх калегіумаў. З 1634 па 1637 гг. — прыдворны місіянер смаленскага ваяводы Аляксандра Гасеўскага. Аўтар працы пра жыццё і пакутніцкую смерць Іасафата Кунцэвіча — Żywot i męczeństwo B. Jozafata biskupa i męczennika, Вільня, 1665)[1].