Стальбо́ўшчынскі сельсавет — былая адміністрацыйна-тэрытарыяльная адзінка ў складзе Уздзенскага раёна Мінскай вобласці. Цэнтр — вёска Стальбоўшчына.
Утвораны 20 жніўня 1924 года як Стальбоўшчынскі (Стальбоўскі) сельсавет у складзе Уздзенскага раёна Мінскай акругі БССР. Пасля скасавання акруговай сістэмы 26 ліпеня 1930 года ва Уздзенскім раёне БССР. Пасля ўвядзення абласнога падзелу 20 лютага 1938 года ва Уздзенскім раёне Мінскай вобласці. 4 лютага 1939 года ў склад Негарэльскага сельсавета Дзяржынскага раёна перададзены вёска Прусінава, пасёлкі Ніва і Пухаўшчына[1]. 21 кастрычніка 1940 года ў склад сельсавета з Негарэльскага сельсавета Дзяржынскага раёна вернута вёска Прусінава[2]. 16 ліпеня 1954 года скасаваны, тэрыторыя далучана да Магільненскага сельсавета[3].