Сорбцыя (ад лац.: Sorbeo — п’ю) — паглынанне цвёрдым целам альбо вадкасцю розных рэчываў з навакольнага асяроддзя. Паглынанае рэчыва, якое знаходзіцца ў асяроддзі, называюць сарбатам (сарбтывам), паглынальнае цвёрдае цела або вадкасць -сарбентам.
Па характары паглынання сарбату сарбцыйныя з’явы дзеляцца на два тыпы: адсорбцыя — канцэнтраванне сарбату на паверхні падзелу фаз або яго паглынанне павярхоўным пластом сарбенту і абсорбцыя — аб’ёмнае паглынанне, пры якім сарбат размяркоўваецца па ўсім аб’ёме сарбенту.