Слоўст, Слоўсць — рака ў Беларусі, у Мінскім і Чэрвеньскім раёнах, правы прыток ракі Волма (басейн ракі Дняпро).
Даўжыня ракі 22 кіламетры, з іх 13 км на тэрыторыі Мінскага раёна[1]. Плошча вадазбору 162 км². Пачынаецца за 1 км у напрамку на паўднёвы захад ад вёскі Лебядзінец Мінскага раёна (за 0,8 км на паўночны захад ад вёскі Заямачнае[1]). Вусце за 1,5 км на паўднёвы ўсход ад вёскі Карзуны Чэрвеньскага раёна. Рэчышча каналізаванае.