wd wp Пошук: ⬜

Серджа Матарэла

У Вікіпедыі ёсць артыкулы пра іншых асоб з прозвішчам Матарэла.

Се́рджа Матарэ́ла (італ.: Sergio Mattarella; нар. 23 ліпеня 1941 г., Палерма, Сіцылія) — італьянскі юрыст і палітык, член шасці складаў ўрада Італіі ў 1987—1990 і 1998—2001 гадах, член Канстытуцыйнага суда Італіі (2011—2015), Прэзідэнт Італіі (з 2015).

Ён скончыў юрыдычны факультэт Рымскага універсітэта Ла Сапіенца, пазней выкладаў права ў Палермскім ўніверсітэце.

Пачаў палітычную дзейнасць у Хрысціянска-дэмакратычнай партыі. У 1983 годзе ён быў упершыню абраны ў Палаты дэпутатаў.

З 1987 па 1989 ён быў міністрам па сувязях з парламентам у ўрадах Джавані Горыа і Чырыака Дэ Міта. Праз год узначаліў Міністэрства адукацыі ў шостым ўрадзе Джуліа Андрэоці. У 1990–1992 ён займаў пасаду намесніка сакратара Нацыянальнага савета Хрысціянска-дэмакратычнай партыі, пазней у 1994 годзе ён узначальваў партыйную газету Il Popolo.

Пасля роспуску хрысціянскіх дэмакратаў, уступіў у Італьянскай народнай партыі. У кастрычніку 1998 года ён вярнуўся ў Савет Міністраў (на чале з Масіма Д’Алема) як намеснік прэм’ер-міністра. У снежні 1999 года ў тым жа ўрадзе ён стаў міністрам абароны. Гэтую пасаду Матарэла таксама займаў і ва ўрадзе Джуліяна Амата (чэрвень 2001).

Належаў да партыі «Стакротка: Дэмакратыя — гэта свабода», а ў 2007 годзе далучыўся да Дэмакратычнай партыі. 5 кастрычніка 2011 года парламент прызначыў яго суддзёй Канстытуцыйнага суда.

Прэзідэнт Італіі з 3 лютага 2015 года, ён атрымаў сямігадовы мандат. Пераабраны на пасаду парламентам краіны 29 студзеня 2022 года.

Узнагароды

Кавалер залатога ланцуга ордэна Пія IX (Ватыкан, 11 красавіка 2015)[1]

Зноскі

↑ ActaApostolicae Sedis, gennaio 2016. — P. 83. (італ.)

Спасылкі

На Вікісховішчы ёсць медыяфайлы па тэме Серджа Матарэла