Се́бха, Сабха (араб. سبها) — горад на паўднёвым захадзе Лівіі, у аазісе Себха, адміністрацыйны цэнтр правінцыі Себха.
Горад з’яўляецца гандлёвым і транспартным цэнтрам на перакрыжаванні караванных шляхоў Сахары. Аўтамабільнымі дарогамі звязаны з аўтамагістраллю і аазісам Гат каля мяжы з Алжырам. Насельніцтва горада ў 1980 годзе налічвала каля 40 000 чалавек. Дзейнічаюць міжнародны аэрапорт, прадпрыемствы харчовай прамысловасці, саматужныя майстэрні.