У Вікіпедыі ёсць артыкулы пра іншых людзей з імем Сакалова.
Святлана Мікалаеўна Сакалова (16 лістапада 1966, Ярцава, Смаленская вобласць) — беларускі навуковец, прафесар, доктар філасофскіх навук (2011), прарэктар Палескага дзяржаўнага ўніверсітэта.
Нарадзілася ў сям’і вайскоўца. Скончыла школу ў Патсдаме. У 1984 годзе паступіла ў Чыцінскай дзяржаўны педінстытут ім. Н. Г. Чарнышэўскага на гісторыка-філалагічны факультэт, у 1985 годзе працягнула навучанне ў Смаленскам педагагічным інстытуце на гістарычным факультэце. Ўваходзіла ў склад зборнай інстытута па лёгкай атлетыцы, трэніравалася ў школе алімпійскага рэзерву, кандыдат у майстры спорту па лёгкай атлетыцы, займалася парашутным спортам.
Па заканчэнні інстытута працавала сакратаром камсамольскай арганізацыі ў Смаленскам будаўнічым тэхнікуме, настаўнікам гісторыі, выкладчыкам у Смаленскам дзяржаўным інстытуце мастацтваў. У 1997 годзе скончыла маскоўскую аспірантуру па спецыяльнасці «Філасофія», у 1999 годзе абараніла кандыдацкую дысертацыю па тэме «Філасофскі аналіз канцэпцыі культурна-гістарычных тыпаў М. Я. Данілеўскага». З 1999 года метадыст аспірантуры ў Маскоўскай акадэміі павышэння кваліфікацыі і перападрыхтоўкі работнікаў адукацыі, выкладчык у Маскоўскім псіхолага-сацыяльным інстытуце.
З 2000 года служыла ў Расійскай арміі, дацэнт кафедры сацыяльна-гуманітарных дысцыплін у Вайсковым універсітэце вайсковай супрацьпаветранай абароны, выкладала дысцыпліны «Вайсковае прагназаванне», «Логіка», «Філасофска-метадалагічныя асновы кіраўніцкай дзейнасці ваенных кадраў» у афіцэраў-слухачоў, ад’юнктаў з краін СНД, Югаславіі, Алжыра і Кітая. Дацэнт у Ваеннай акадэміі вайсковай супрацьпаветранай абароны.
У 2006 годзе скончыла Усерасійскі завочны фінансава-эканамічны інстытут па спецыяльнасці «Бухгалтарскі ўлік і аўдыт», з адзнакай абараніла дыплом на тэму «Аналіз і ацэнка фінансавых вынікаў дзейнасці арганізацыі».
З 2006 года дацэнт кафедры гуманітарных і сацыяльна-эканамічных дысцыплін у Смаленскай акадэміі фізічнай культуры, спорту і турызму. У 2011 годзе ў Маскоўскім дзяржаўным тэхнічным універсітэце імя Н. Э. Баумана абараніла доктарскую дысертацыю па тэме «Філасофія дзяржаўнага рэгулявання бяспекі ў расійскім грамадстве».
З 2011 года прафесар кафедры гуманітарных навук, філасофіі і права ў Палескім дзяржаўным універсітэце.
Удзельнік Міжакадэмічнага Савета па праблемах развіцця Саюзнай дзяржавы. Аўтар больш за 200 артыкулаў, якяія апублікаваны ў Расіі, Беларусі, Малдовы, Украіны, Германіі, Канадзе і ЗША у выданнях «Палітычнае адукацыя», «Праблемы бяспекі расійскага грамадства», «Філасофскія навукі», «Улада», «Весткі Расійскай акадэміі адукацыі», «Інфармацыйнае права», «Вышэйшая школа», «Бяспека Еўразіі», «Global Science and Innovation», « Science, Technology and Higher Education», «American Journal of Scientific Research» і інш., у навуковых зборніках. Выступала з дакладамі на міжнародных, усерасійскіх і беларускіх навуковых канферэнцыях[1].
Асноўныя напрамкі навукова-даследчай працы: філасофія бяспекі, палітыка-прававы механізм рэгулявання сферы бяспекі, нанабяспека, біятэрарызм і біобяспека[2].