Святлана Аляксандраўна Талмачова — беларускі гісторык. Кандыдат гістарычных навук (2002).
Нарадзілася ў г. Патсдам (ГДР), але з юнацтва жыве ў Мінску. Бацькі выхадцы з Пензенскай вобласці Расіі.
У 1996 закончыла гістарычны факультэт БДПУ. 12 снежня 2002 абараніла кандыдацкую дысертацыю «Сялянскае самакіраванне ў Беларусі (1861—1901 гг.)».
3 2002 па 2004 працавала старшым выкладчыкам факультэта даўніверсітэцкай падрыхтоўкі БДПУ, з 2004 — на гістарычным факультэце, на кафедры славянскай гісторыі і метадалогіі гістарычнай навукі, 2015 годзе — на кафедры гісторыі Беларусі і славянскіх народаў.
У 2016 скончыла дактарантуру БДПУ. Тэма даследавання — «Дзейнасць Мясцовы органаў дзяржаўнага кіравання па рэалізацыі аграрнай палітыкі самадзяржаўя на тэрыторыі Беларусі (1861—1914 гг.)»
Са снежня 2019 — загадчык кафедры гісторыі Беларусі і славянскіх народаў БДПУ.
Выкладае вучэбныя дысцыпліны: «Гісторыя ўсходніх славян (Расія і Украіна) (канец XVI – першая палова ХІХ ст.)» і «Гісторыя ўсходніх славян (Расія і Украіна) (1861–1900 гг.)».
Сфера навуковых інтарэсаў і праблематыка навуковых даследаванняў — сацыяльна-эканамічныя працэсы ў Беларусі перыяду капіталізму.