Саранчо́выя[1] (Acridoidea) — надсямейства насякомых атрада Прамакрылыя (Orthoptera). З’яўляюцца найбольш шматлікай групай дадзенага атрада. На тэрыторыі Беларусі каля 50—70 відаў.
У саранчовых вусікі вельмі кароткія — не больш за палову даўжыні цела, колькасць іх членікаў даходзіць да 28. У самак кароткі яйкаклад, які, у адрозненне ад некаторых іншых відаў насякомых, заўсёды прысутнічае. Заднія ногі трохчленікавыя. Акрамя гэтага ў саранчовых адметная будова органаў слыху.