Са́нта-Ма́рта[2] (ісп.: Santa Marta) — горад і муніцыпалітэт на поўначы Калумбіі на ўзбярэжжы Карыбскага мора побач з гарамі Сьера-Невада-дэ-Санта-Марта. Сталіца дэпартамента Магдалена.
Горад Санта-Марта з’яўляецца важным марскім портам, гістарычным, культурным і турыстычным цэнтрам. Насельніцтва па стане на 2005 год складала 415 270 чалавек. Плошча горада роўная 2393,35 км², а шчыльнасць насельніцтва — 173,5 чал./км².
Найстаражытнейшы горад у Калумбіі[2]. Заснаваны ў 1525 годзе. Паблізу горада памёр Сімон Балівар.