Саламон Шыманавіч Пінкус (28 жніўня 1908, г. Адэса, Украіна — 1 ліпеня 1971) — урач-тэрапеўт. Доктар медыцынскіх навук (1968), прафесар (1969). Удзельнік Вялікай Айчыннай вайны.
Скончыў Адэскі медыцынскі інстытут (1933).
Працаваў на Адэскай чыгунцы (урачэбна-санітарная служба Адэскага ўчастка, 1933—1935), Адэскім інстытуце ўдасканалення ўрачоў (1935—1938), Благавешчанскім медыцынскім інстытуце (1957—1961, загадчык кафедры факультэцкай тэрапіі), Гродзенскім дзяржаўным медыцынскім інстытуце (з 1961, кафедра шпітальнай тэрапіі, у 1963—1971 — загадчык кафедры).
Памёр 1 ліпеня 1971, пахаваны ў г. Гродна.
Навуковыя інтарэсы: пытанні згусальнай і процізгусальнай сістэм крыві пры сардэчна-сасудзістых захворваннях.
Ордэн Чырвонай Зоркі і інш.