Сакура
Сакура[4] (Prunus serrulata, яп.桜 або яп.樱) — від дэкаратыўных дрэў сямейства Ружавыя. Сакурай таксама называюць суквецці гэтых дрэў.
Батанічнае апісанне
Квітнее ўвесну; кветкі маюць афарбоўку ад ярка-ружовай да белай. Штогадовы перыяд квітнення сакуры доўжыцца менш за тыдзень. Плод — касцянка чорнага колеру, 8-10 мм у дыяметры. Плады — сакурамба (яп. サクランボ). Засоленае лісце і кветкі сакуры выкарыстоўваюцца ў харчовых мэтах.
Культурнае значэнне
Сакура — вядомы сімвал Японіі і японскай культуры — з даўніх часоў шануецца японцамі.
Ханамі — японская нацыянальная традыцыя любавання кветкамі, самая вядомая з якіх — квітнеючая сакура. За некалькі месяцаў да меркаванага красавання па тэлебачанні пачынаюць паказваць прагнозы з датамі красавання сакуры па ўсёй краіне.
У цяперашні час выкарыстоўваецца на гербах паліцыі і ўзброеных сіл Японіі. Акрамя таго, сакура — традыцыйны сімвал жаночай маладосці і прыгажосці. 27 сакавіка, пачынаючы з 4-га года Хэйсэй (1992) грамадская арганізацыя «Таварыства японскай сакуры» запачаткавала Дзень красавання сакуры. Гэтае свята праводзяць ва ўсіх раёнах Японіі, час правядзення залежыць ад часу красавання сакуры.
Зноскі
- ↑ Ужываецца таксама назва Пакрытанасенныя.
- ↑ Пра ўмоўнасць аднясення апісанай у гэтым артыкуле групы раслін да класа двухдольных гл. артыкул «Двухдольныя».
- ↑ Padus serrulata (Lindl.) S.Ya.Sokolov. The Plant List. Праверана 20 сакавіка 2016.
- ↑ Сакура ў адпаведнасці з БЭ ў 18 тамах., Т.14. Мн., 2002, С.94
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Дрэвы
Катэгорыя·Сліва
Катэгорыя·Расліны паводле алфавіта